Denne vanen treng me ikkje ta med oss til den digitale verda. Her er det tvert om viktig å ta vare på det meste. Tenk “long tail” – det er alltid nokon det vil vera interessant for. Ta eit eksempel med epost: Sjølv slettar eg nesten aldri epost, bortsett frå spam, og eg sorterer den ikkje heller. Kvifor skal eg gjera det? Det er jo det datamaskiner er laga for; finna raskt fram i uhorveleg store informasjonsmengder.

Så lenge gammal og uinteressant informasjon ikkje står i vegen for det som blir vurdert som meir interessant, så la den for all del liggja. Det som er uinteressant for dei fleste, vil nesten alltid vera interessant for nokon. På nettet har me råd til å ta vare på informasjon som berre er interessant for ein (1) person.

Så hovudregelen må bli: Du skal aldri sletta digital informasjon!